ვესტმინსტერის დემოკრატიის ფონდი (WFD), გარემოსდაცვითი ინფორმაციისა და განათლების ცენტრთან და ადგილობრივ თვითმმართველობათა ეროვნულ ასოციაციასთან პარტნიორობით აგრძელებს გარემოსდაცვითი დემოკრატიის საკითხებზე, შერჩეული მუნიციპლიტეტების საკრებულოებთან თანამშრომლობას. მიმდინარე წლის 22 მარტს WFD-ის წარმომადგენლები და დარგის სპეციალისტები ეწვივნენ ქედიის მუნიციპალიტეტის საკრებულოს.

შეხვედრებზე განხილვის მთავარი საკითხები იყო მუნიციპალიტეტებში გარემოს დაცვის საკითხებში მოქალაქეთა ჩართულობის მნიშვნელობა, გარემოს დაცვასა და კლიმატის ცვლილებასთან დაკავშირებული გამოწვევები ადგილობრივ დონეზე, მუნიციპალიტეტების როლი და მნიშვნელობა გარემოსდაცვითი დემოკრატიის განვითარებაში და გარემოსდაცვითი კანონმდებლობის აღსრულების პროცესში.

განხილული იყო პრაქტიკული მაგალითები. გარემოსდაცვითი დემოკრატიის პროგრამას ვესტმინსტერის დემოკრატიის ფონდი ახორციელებს გაერთიანებული სამეფოს მთავრობის ფინანსური მხარდაჭერით.