დღეს ქედის მუნიციპალიტეტმა ,,სიმღერისა და ცეკვის საერთაშორისო საბავშვო ფესტივალში“ მონაწილე 500 ბავშვს უმასპინძლა.

ფესტივალი, ქედის ფ. ხალვაშის სახელობის ცენტრალურ პარკში არსებულ სცენაზე გაიმართა, რომელშიც თურქეთის, ბულგარეთის, რუმინეთის, სომხეთის, აზერბაიჯანის სიმღერისა და ცეკვის ანსამბლები, ასევე საქართველოს სხვადასხვა კუთხის ანსამბლები: ,,საუნჯე“, ,,არარატი“, ,,არსიანი“, ,,ისამე“, ,,ქიმერიონი“ ღებულობდა მონაწილეობას.

ქედის მუნიციპალიტეტის მერი როლანდი ბერიძე ფესტივალში მონაწილე ანსამბლების ხელმძღვანელებს შეხვდა და სიმბოლური საჩუქრები გადასცა.

,,სიმღერისა და ცეკვის საერთაშორისო საბავშვო ფესტივალი“ ორგანიზაცია ,,Batumi-black Sea”-ს ორგანიზებით და ქედის მუნიციპალიტეტის მერიის მხარდაჭერით გაიმართა.