ქედის მუნიციპალიტეტის პირველმა მოადგილემ იმედა ვასაძემ, სივრცითი მოწყობის, არქიტექტურისა და მშენებლობის სამსახურის უფროსთან გენადი ანანიძესთან და პირველი მაისის ადმინისტრაციული ერთეულის წარმომადგენელთან რაულ სალაძესთან ერთად სასმელი წყლის სისტემის სამშენებლო სამუშაოები დაათვალიერა.

ინფრასტრუქტურული პროექტის ფარგლებში, პირველი მაისის ცენტრის და ბაგა-ბაღის წყალმომარაგების სათავე კვანძის მძიმე მაგისტრალური წყალსადენისა და სამარაგო რეზერუარის მოწყობა მიმდინარეობს.