დღეს, ქედის მუნიციპალიტეტის მერი როლანდ ბერიძე თურქეთის რესპუბლიკის, ქემერის მუნიციპალიტეტში საერთაშორისო ფესტივალ-კონკურსში მონაწილე ქალთა ფოლკლორული ანსამბლის ,,იაგუნდის“ წევრებს და ა(ა)იპ ,,ქედის კულტურის ცენტრის“ ხელმძღვანელს ჯამბულ სურმანიძეს შეხვდა.

ქედის მუნიციპალიტეტის კულტურის სახლთან არსებული ქალთა ფოლკლორული ანსამბლი ,,იაგუნდი“ თურქეთის რესპუბლიკის, ქემერის მუნიციპალიტეტში მშვიდობისადმი მიძღვნილ საერთაშორისო ფესტივალ-კონკურსში მონაწილეობდა.

ანსამბლი ,,იაგუნდი“ მსმენელის წინაშე აჭარული და ლაზური სასიმღერო რეპერტუარით წარსდგა.

მშვიდობის საერთაშორისო ფესტივალ-კონკურსში ანსამბლი ორ ნომინაციაში ,,საუკეთესო მუსიკა“ და ,,საუკეთესო პერფორმანსი“ დაჯილდოვდა. ანსამბლ ,,იაგუნდს“ პრიზები ქემერის მუნიციპალიტეტის მერმა ნეჯეთი თოფალოღლუმ გადასცა.

აღნიშნულ ფესტივალში მსოფლიოს 15 - ზე მეტი ქვეყანა ღებულობდა მონაწილეობას, რომელიც იუნესკოსა და ფოლკლორული ფესტივალების ევროპული ასოციაციის გხარდაჭერით გაიმართა.