ჩანჩქერის მიმდებარე ტერიტორიის და სათავის კეთილმოწყობა, დაბის დასახლებისა და პარკის კეთილმოწყობის საპროექტო დავალებები, კემპინგის მოწყობა, მნიშვნელოვანი ტურისტული პროექტები და ზოგადად, მახუნცეთის განვითარების გეგმა - დღეს, მერიის მშენებლობის, სივრცითი მოწყობისა და არქიტექტურის სამსახურის უფროსმა კონსტანტინე გუმბერიძემ, ლევან გორგილაძეს დეტალურად გააცნო. კონცეფციების განხილვას ადგილზე ასევე ესწრებოდნენ მერის პირველი მოადგილე როლანდ ბერიძე, წარმომადგენელი ლევან ვერძაძე, დეპუტატები ზურაბ თავდგირიძე, მზია ბოლქვაძე და გოჩა გორგილაძე. ქედის მერი ადგილობრივებს გაესაუბრა და არსებულ ვითარებას ადგილზე მათთან ერთად გაეცნო.