სოფლად მოსახლეობასთან შეხვედრების ფარგლებში დღეს, ქედის მუნიციპალიტეტის მერი როლანდ ბერიძე, საკრებულოს თავმჯდომარე ამირან ცინცაძე, მერის პირველი მოადგილე იმედა ვასაძე და აჭარის სოფლის მეურნეობის მინისტრის მოადგილე ირმა აფხაზავა სოფელ დანდალოსა და ცხმორისის მოსახლეობას შეხვდნენ.

შეხვედრაზე ადგილობრივებს შესაძლებლობა ჰქონდათ დეტალურად მიეწოდებინათ როგორც მთავრობის, ასევე ადგილობრივი თვითმმართველობის წარმომადგენლებისათვის სოფლის საჭიროებები, მოსახლეობის ინდივიდუალური თუ ყოფითი პრობლემები, ერთობლივად ემსჯელათ მათი მოგვარების გზებზე და მათთვის საინტერესო კითხვებზე პასუხები ადგილზე მოესმინათ.

მოსახლეობასთან შეხვედრისას წამოჭრილ საკითხებზე, მომზადდება რეკომენდაციები შესაბამის უწყებებთან, რათა მაქსიმალურად მოკლე დროში იქნას არსებული საჭიროებების მოგვარება.