ეს წუთია დასრულდა გამგეობაში შექმნილი გამგეობის სათათბირო ორგანოს - სამოქალაქო მრჩეველთა საბჭოს რიგით მეორე სხდომა. დღის წესრიგით გათვალისწინებული იყო მუნიციპალიტეტის გამგებლის 2016 წელს გაწეული საქმიანობის ანგარიშის მოსმენა. დავით დუმბაძემ საბჭოს წევრებს გასულ წელს თვითმმართველობის ფარგლებში განხორციელებეული პროექტები და პროგრამები პრეზენტაციის სახით გააცნო. ანგარიშის დასასრულს სათათბირო ორგანოს თავმჯდომარემ თამაზ გოგიაშვილმა და წევრებმა მოსმენილი საკითხი დადებითად შეაფასეს და აპრილის დასაწყისში მომდევნო სხდომა დააანონსეს. აპრილში საბჭო ადგილობრივი ბიუჯეტის კორექტირების შესახებ იმსჯელებს.