ქედის ბაგა-ბაღების გაერთიანების დირექტორმა აიშე თებიძემ, სტრუქტურული ერთეულების ხელმძღვანელებთან სამუშაო შეხვედრა გამართა და სკოლამდელ დაწესებულებებში სააღმზრდელო პროცესის განახლების საკითხები განიხილეს.

უწყებათაშორისი საკოორდინაციო საბჭოს გადაწყვეტილებით, საქართველოში კორონავირუსის გავრცელების პრევენციის მიზნით დაწესებული შეზღუდვა იხსნება და შესაბამისად 1 მარტს, სკოლამდელ დაწესებულებებში სასწავლო პროცესი მუნიციპალიტეტის 15-ვე საბავშვო ბაღში განახლდება.

შეხვედრაზე იმსჯელეს სააღმზრდელო პროცესის განახლების მზაობის საკითხებზე, დასახულ სამომავლო გეგმებზე და იმ რეკომენდაციების შესრულებაზე, რომელიც ადრეული და სკოლამდელი აღზრდის დაწესებულებებისთვისაა განკუთვნილი.