საკრებულოს ბიურომ N01-07/06 სხდომაზე 2019 წლის 3 აპრილს ქედის მუნიციპალიტეტის საკრებულოში რეგისტრირებული პეტიცია - ააიპ ქედის სასპორტო სკოლის საჭიდაო დარბაზზე გურამ ჯიჯავაძის სახელის მინიჭების შესახებ განიხილა.
ბიუროს გადაწყვეტილებით პეტიცია შესასწავლად გადაეცა ქედის მუნიციპალიტეტის საკრებულოს სივრცით-ტერიტორიული დაგეგმარების და ინფრასტრუქტურის კომისიას.

მუნიციპალიტეტის საკრებულოს შესაბამისი კომისია პეტიციის მიღებიდან 15 დღის ვადაში განიხილავს და იღებს გადაწყვეტილებას პეტიციის შესწავლისა და მუნიციპალიტეტის საკრებულოს სხდომისთვის განსახილველად წარდგენის ან პეტიციის განხილვის მიზანშეუწონლად მიჩნევის თაობაზე.