ქედის მუნიციპალიტეტის მერიისა და საკრებულოს წევრების მონაწილეობით, გაიმართა მრგვალი მაგიდა თემაზე: ,,სსო-ებისა და თვითმმართველობის თანამშრომლობის ფორმები". შეხვედრის მიზანს წარმოადგენდა, მუნიციპალურ დონეზე არსებულ პრობლემათა გამოკვეთა და ამ პრობლემათა გადაჭრისთვის ერთობლივი სტრატეგიის დასახვა. შეხვედრა ორგანიზებული იყო ახალგაზრდა მეცნიერთა კავშირი ,,ინტელექტი"-ს მიერ, პროექტის - ,,სამოქალაქო საზოგადოების განვითარების ინიციატივის" ფარგლებში. პროექტი ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერაა დაფინასებული, რომელსაც კონსორციუმი კონრად ადენაუერის ფონდის ხელმძღვანელობით ახორციელებს. დისკუსიის შემდგომ, შეხვედრის მონაწილეებმა აქტიური თანამშრომლობა დააანონსეს.