ქედის მუნიციპალიტეტის გამგეობის სააქტო დარბაზში, მერისის ხეობაში დაგეგმილი ჰესის მშენებლობის გარემოზე ზემოქმედების დოკუმენტის საჯარო განხილვა მოეწყო. შ.პ.ს „ჯორჯიან ჰაიდრო ფაუერ“-ის დირექტორის შამილ ბირკაძის განცხადებით, მერისის ხეობაში ერთი კაშხალი მდინარე აკავრეთაზე, ხოლო მეორე აკავრეთის შენაკადზე ლოდნარზე მოეწყობა. რაც შეეხება გვირაბს, პროექტით მისი სიგრძე 3.600 კილომეტრია. ჰესმა 23 მეგავატი ელექტროენერგია უნდა გამოიმუშაოს. პროექტის საბოლოო ვარიანტი წლის ბოლოსთვის იქნება ცნობილი.