ქედის მერიაში, შესრულებული ინფრასტრუქტურული სამუშაოების მონიტორინგის ჯგუფი თებერვლის თვეში შეიქმნა, რომელსაც მერი ლევან გორგილაძე ხელმძღვანელობს. შესაბამისი სამსახურების ხელმძღვანელებთან ერთად, მონიტორინგი განხორციელდა მახუნცეთში, სადაც ჩანჩქერის სათავესთან სათვალთვალო ხიდი, სასმელი წყლის სამარაგო აუზი, ტურისტული ცენტრის შენობა, პარკში ახალ აშენებული სველი წერტილი, მშენებარე სცენა და თამარის ხიდის მიმდებარედ დაგეგმილი ინფრასტრუქტურული სამუშაოები მოინახულა. ლევან გორგილაძემ მშენებლობებთან დაკავშირებით რიგი შენიშვნები გამოთქვა, რომელთა გამოსასწორებლად მშენებელ კომპანიებს უახლოეს დღეებში ოფიციალური წერილები დაეგზავნებათ. ღია სცენის მშენებელი კომპანიის - შპს ,,ახალშენი"-ის მიმართ კი უმკაცრესი სანქციები გატარდება და მერია 19 მარტიდან ხელშეკრულებას ოფიციალურად შეწყვეტს.