ბრიტანეთის საბჭოს და აჭარის ა.რ. განათლების, კულტურის და სპორტის სამინისტროს თანამშრომლობის ფარგლებში, კონფერენცია „ფესტივალები განვითარებისთვის“მიმდინარეობს, რომელშიც საერთაშორისო ექსპერტებთან, სამთავრობო უწყებებისა და ადგილობრივი ფესტივალების მენეჯერებთან ერთად, ქედის მერი ლევან გორგილაძე მონაწილეობს. კონფერენციის მიზანია ბრიტანული და ქართული გამოცდილების გაზიარება ქვეყნის კულტურულ, საზოგადოებრივ და ეკონომიკურ განვითარებაში ფესტივალების წვლილისა და მათ შორის თანამშრომლობის მნიშვნელობის შესახებ. საერთაშორისო კონფერენციის მონაწილე ბრიტანული ფესტივალების მნიშვნელოვანი ორგანიზატორები და საფესტივალო ქალაქების ხელისუფლების წარმომადგენლები, მონაწილეებს გააცნობენ ბრიტანული ფესტივალების თანამშრომლობის საუკეთესო მაგალითებს, წარმატებულ ქეისებს და ინოვაციურ მოდელებს (ედინბურგის ფესტივალების გაერთიანება, ედინბურგის ფრინჯი, ბრაიტონი და ბირმინგემი, გლოსტერი). საერთაშორისო კონფერენცია მნიშვნელოვნად დაეხმარება აჭარის და კერძოდ ბათუმის საერთაშორისო საფესტივალო ცენტრად გადაქცევის ამოცანას.