აჭარის ავტონომიური რესპუბლიკის მთავრობის დაფინანსებით და სააქციო საზოგადოება „აჭარის წყლის ალიანსის“ ორგანიზებით, ქედაში, სოფელ კოლოტაურში წყალმომარაგების და წყალარინების სისტემის რეაბილიტაცია იგეგმება.

წყალმომარაგების და წყალარინების სავარაუდო საპროექტო გეგმის განხილვის მიზნით, კოლოტაურის მოსახლეობასთან შეხვედრა გაიმართა. შეხვედრაზე, „აჭარის წყლის ალიანსის“ დირექტორმა თეიმურაზ ბედინაძემ, მოსახლეობას პროექტის შესახებ მიაწოდა ინფორმაცია.

დეტალური საპროექტო სარეაბილიტაციო გეგმის შედგენამდე, მოსახლოებასთან მომავალშიც გაიმართება შეხვედრები, არსებული საჭიროებების შესასწავლად. ადგილზე კვლევის და საპროექტო ნახაზების შექმნის შემდეგ, მოხდება ტენდერის გამოცხდა სარეაბილიტაციო სამუშაოების განხორციელების მიზნით.