ამ წუთებში, ქედის მუნიციპალიტეტის გამგებლის სათათბირო ორგანოს - ,,სამოქალაქო მრჩეველთა საბჭოს" მორიგი სხდომა მიმდინარეობს. დღის წესრიგით საბჭოს წევრები ყადირ შერვაშიძის ბიუსტის ესკიზის საკითხზე მსჯელობს. სხდომას ესკიზის ავტორი - საქართველოს მხატვართა კავშირის წევრი, მოქანდაკე, დამსახურებული ხელოვნების პედაგოგი - თეიმურაზ მახარაძე ესწრება და დასმულ შეკითხვებს პასუხობს. მეორე საკითხად ჩანიშნულია შალვა აბაშიძის ლიტერატურული ნაშრომის წიგნად გამოცემის განხილვა, რომელშიც ქედის მუნიციპალიტეტის ისტორიაა აკინძული და მას ქედის გამგეობა დააფინანსებს. სხდომას სტრუქტურული ერთეულების ხელმძღვანელებიც ესწრებიან.