ქედის კულტურის ცენტრთან არსებული ვაჟთა ფოლკლორული ანსამბლი ,,ელესა" მეორე ალბომის გამოსაცემად მუშაობს. ანსამბლის რეპერტუარს 20 ახალი აჭარული ფოლკლორული სიმღერა შეემატა, რომელთა მოპოვებასა და აღდგენაზე ,,ელესას" ხელმძღვანელი ირაკლი სირაბიძე, ლოტბარი ტარიელ მამალაძე და წევრები ერთობლივად მუშაობდნენ. ,,ნადური", ,,ვოსა", ,,ჩაგუნა", ,,დელიდელა" - ეს ძველი აჭარული ფოლკლორული მუსიკალური ნომერია, რომელიც რუსთავი 2-ის გადაცემის - ,,შუა დღის შოუს" ფოლკლორული ბლოკის წამყვანმა გიორგი უშიკიშვილმა ანსამბლი გადაცემისთვის ჩაწერა. ,,ელესა" მსმენელს, ტრადიციულად არაჩვეულებრივ რეპერტუარს პირდება.