ეს წუთებია დასრულდა მახუნცეთში ახალგაზრდების საერთაშორისო დღისადმი მიძღვნილი ღონისძიებები. ,,დაუვიწყარი საღამო" - ასე შეაფასეს ახალგაზრდებმა, რომლებმაც გამგეობის მიერ მოწვეული ანიმატორების გასართობ შოუ პროგრამებში მიიღეს მონაწილეობა და ღონისძიების პროგრამით გათვალისწინებული აქტივობებით ერთგვარი სიამოვნება მიიღეს. განსაკუთრებით შთამბეჭდავი აღმოჩნდა ფრანების ფესტივალი და კარაოკე. ახალგაზრდებს საერთაშორისო დღე მიულოცეს აჭარის სპორტისა და ახალგაზრდულ საქმეთა დეპარტამენტის უფროსის მოადგილემ დავით მიქელაძემ და გამგეობის განათლების, კულტურის, სპორტის, ტურიზმის, ახალგაზრდულ საქმეთა და ძეგლთა დაცვის სამსახურის უფროსმა ეკატერინე ქაჯაიამ.