საქართველოს ახალგაზრდა იურისტთა ასოციაციის წარმომადგენლებმა - მარიამ ოზაშვილმა და ილონა დიასამიძემ, დღეს ქედის თვითმმართველობის მოხელეებისთვის, პროექტის - ,,ყველაზე მოწყვლადი პირებისა და თემების სოციალურ-ეკონომიკური უფლებების დაცვა და ხელშეწყობა საქართველოში" (BFDW- ფონდი ,,პური მსოფლიოსთვის") ფარგლებში, საინფორმაციო შეხვედრა გამართეს.

შეხვედრის ფასილიტატორებმა ისაუბრეს მცირე გრანტის გაცემის შესახებ, რომელიც მოხმარდება წყლის ინფრასტრუქტურული პროექტების განხორციელებას იმ სოფლებში, სადაც წყლის დეფეციტი მწვავედ იგრძნობა.

პროექტტის განხორციელების სამუშაო პერიოდია: 01.01.2018/31.12.2020 წლები და მისი მოსალოდნელი შედეგებია:

• მოწყვლადი ჯგუფების უფლებებსა და საჭიროებებზე მორგებული ადგილობრივი თვითმმართველობების ბიუჯეტის ფორმირება;
• ქართული კანონმდებლობის გაუმჯობესება სოციალურ-ეკონომიკური უფლებრივი მდგომარეობის გაჯანსაღების კუთხით;
• ადამიანის უფლებებზე და თავისუფლებებზე უკეთ ინფორმირებული საზოგადოება.