1985 წელს, ავღანეთში დაღუპული 18 წლის ქედელი ჯარისკაცის - ნუგზარ დუმბაძის მშობლები ოქტომბრის ადმინისტრაციული ერთეულის ხელმძღვანელებმა მოინახულეს და თვითგადასაადგილებელი ინვენტარი გადასცეს. დაღუპული ჯარისკაცის მშობლები ამჟამად მწოლიარეები არიან: 79 წლის ლეილა დუმბაძემ 3 თვეა, რაც ინსულტი გადაიტანა, ხოლო 86 წლის სულეიმან დუმბაძე წლებია ავადმყოფობს, თუმცა ბოლო თვეები განსაკუთრებით დამძიმდა. ოჯახს ეტლი და თვითგადასაადგილებელი, არასამთავრობო ორგანიზაცია ,,დახმარების ეროვნულმა ფონდისა" და მარო თურმანიძის მხარდაჭერით გადაეცათ, რისთვისაც ნუგზარ დუმბაძის ოჯახმა მადლობა გადაიხადა.