ქედის საფეხბურთო კლუბ ,,ბეთლემის" კაპიტნის, არჩილ ფარტენაძის სახელობის ტურნირი მინი ფეხბურთში, დღეს ოფიცილაურად გაიხსნა. ზონალური შესარჩევი თამაშები დილიდან დაბა ქედის, მახუნცეთისა და გოგიაშვილების მინი სპორტულ მოედნებზე მიმდინარეობდა, რომელშიც მონაწილეობას მუნიციპალიტეტის 14 გუნდი ღებულობდა. ფინალური თამაში 8 ივნისს, დაბა ქედაში გაიმართება და ნახევარ ფინალში გასული 6 გუნდი შეეჯიბრება ერთმანეთს. შეჯიბრი გამგეობის სპორტისა და ახალგაზრდულ საქმეთა განყოფილების მიზნობრივი პროგრამის ფარგლებში იმართება, რომლის ბიუჯეტი 1600 ლარია. ზონალურ თამაშებს დღეს გამგებლის მოადგილე მამუკა ფარტენაძე ესწრებოდა.