ახალგაზრდა მეცნიერთა კავშირმა ,,ინტელექტი"- მა ,,საქართველოში დაბრუნებულ მიგრანტთა სარეინტეგრაციო დახმარების პროგრამის" შესახებ ქედის მუნიციპალიტეტის მერიის წარმომადგენლებთან, სპეციალისტებთან და საკრებულოს წევრებთან საინფორმაციო შეხვედრა გამართა.

პროგრამის მიზანია სამშობლოში დაბრუნებული არალეგალური მიგრანტების სოციალურ-ეკონომიკური მდგომარეობის გაუმჯობესებისა და გრძელვადიან პერსპექტივებზე გათვლილი ცხოვრების ღირსეული პირობების ჩამოყალიბების ხელშეწყობა.

ორგანიზაციის წევრებმა აუდიტორიას პროგრამის შესახებ ინფორმაცია დეტალურად გააცნეს და მოსახლეობის მაქსიმალური ინფორმირებულობა სთხოვეს. პროგრამას საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო აფინანსებს.