საქართველოს დამოუკიდებლობის 100 წლისთავისადმი მიძღვნილი კვირეული ქედაში, დღეს სიმბოლურად, ქედის ცენტრალურ ბიბლიოთეკაში, თემატური პუბლიკაციებისა და ნახატების გამოფენით გაიხსნა. მოეწყო სემინარი - ,,ყადირ შერვაშიძე", რომლის ფასილიტატორი ქედის კულტურის ცენტრის რეჟისორი ლია მახარაძე გახლდათ. სემინარში მონაწილეობას ქედის მუნიციპალიტეტის ახალგაზრდები მონაწილეობდნენ. პირველი აჭარელი ექიმის, თამარ მეფის ორდენის კავალერისა და საზოგადო მოღვაწის - ყადირ თუფანის ძე შერვაშიძის ბიოგრაფია ახალგაზრდებისთვის მეტად საინტერესო აღმოჩნდა. ყადირ შერვაშიძე 1887 წლის 20 ივლისს, ქედაში თუფან-ბეგ შერვაშიძის ოჯახში დაიბადა. მან ხელი მოაწერა საქართველოს სახელმწიფოს დამოუკიდებლობის აქტს (1918 წ. 26 მაისი). 1918 წლის 10 სექტემბერს ,,საქართველოს დამოუკიდებლობის ეროვნულმა კომიტეტმა“ , ქვეყნის წინაშე დიდი დამსახურებისთვის, წმინდა თამარ მეფის ორდენით დააჯილდოვა. 1916 წელს სამშობლოს პატრიოტმა საკუთარი ორსართულიანი სახლი ქედაში საჩუქრად გადასცა სტაციონარის მოსაწყობად. 1919 წლის 8 მაისს, 32 წლის ასაკში, ბრძოლაში მტრის ტყვიას, მოღალატეთა ხანჯალს მრავალჯერ გადარჩენილი მხედართმთავარი ტიფის ეპიდემიას ემსხვერპლა, თუ მოშურნეთა საწამლავს შეეწირა, დაკრძალულია ქედაში. კვირეული ქედაში 26 მაისს დასრულდება.