ქედის მუნიციპალიტეტში, სასადილოსა და კოსლითავის მთაში მემთეურებისთვის უფასო სამედიცინო კვლევების აქცია ჩატარდა.

მოიალაღეებს, უფასო კონსულტაციები და კვლევები ბათუმის რესპუბლიკური კლინიკური საავადმყოფოს სხვადასხვა პროფილის ექიმ-სპეციალისტებმა ჩაუტარეს. ბენეფიციარებს ადგილზე გაეწიათ ოჯახის ექიმის, ოფთალმოლოგის, ენდოკრინოლოგის, კარდიოლოგის, ნევროლოგისა და ექოსკოპიური კვლევის სპეციალისტის მომსახურება.

აქციას ქედის მუნიციპალიტეტის მერი მამუკა თურმანიძე, მერიის ჯანმრთელობისა და სოციალური დაცვის სამსახურის უფროსი დავით თედორაძე, აჭარის საზოგადოებრივი ჯანდაცვის ცენტრის ქედის განყოფილების უფროსთან ლეილა ბოლქვაძე და მერისის ადმინისტრაციული ერთეულის წარმომადგენელი გელა ჯაბნიძე ესწრებოდა.

უფასო სამედიცინო კვლევების აქცია, აჭარის საზოგადოებრივი ჯანდაცვის ცენტრის ორგანიზებით და ქედის მუნიციპალიტეტის მერიის მხარდაჭერით გაიმართა.