ქედის მუნიციპალიტეტის მერმა მამუკა თურმანიძემ, პირველ მოადგილე იმედა ვასაძესთან ერთად, მახუნცეთის ადმინისტრაციულ ერთეულში გასვლითი სამუშაო შეხვედრა და მოქალაქეთა მიღება გამართა.

შეხვედრას საკრებულოს დეპუტატი ლევან ვერძაძე, მერის წარმომადგენელი მახუნცეთის ადმინისტრაციულ ერთეულში რეზი ვარშანიძე და სპეციალისტები ესწრებოდნენ.

შეხვედრაზე იმსჯელეს თემში არსებული გამოწვევების შესახებ, მიმდინარე ინფრასტრუქტურული პროექტების, ჯანდაცვისა და სოციალური პროგრამების შესახებ.

თათბირის შემდეგ მერი შეხვდა ადგილობრივ მოქალაქეებს, მიიღო ინფორმაცია მათი საჭიროებების და პრობლემების შესახებ და აღნიშნა, რომ შესაბამის სამსახურებთან ერთად იმსჯელებდა არსებულ გამოწვევებზე და ეტაპობრივად უზრუნველყოფს მათ რეაგირებას.