ქედის მუნიციპალიტეტის მერიაში ეკონომიკური განვითარების სამსახურის, ასევე სივრცითი მოწყობის არქიტექტურისა და მშენებლობის სამსახურის გასული წლის საქმიანობის ანგარიშის პრეზენტაცია გაიმართა.

2025 წელს, ინფრასტრუქტურული პროექტების ფარგლებში 65 პროგრამა განხორციელდა, რისთვისაც ბიუჯეტიდან 7მლნ. ლარზე მეტი დაიხარჯა. მუნიციპალური პროექტები და პროგრამები შემუშავებულია ადგილობრივი მოსახლეობის საჭიროებებსა და მათთვის უსაფრთხო გარემოს შექმნაზე.

შეხვედრას მუნიციპალიტეტის მერი მამუკა თურმანიძე, მერის პირველი მოადგილე იმედა ვასაძე, მოადგილე მამუკა ფარტენაძე, ეკონომიკური განვითარების სამსახურის და სივრცითი მოწყობის არქიტექტურისა და მშენებლობის სამსახურის თანამშრომლები ესწრებოდნენ.ანგარიში ეკონომიკური განვითარების სამსახურის უფროსმა გულადი წითელაძემ და სივრცითი მოწყობის არქიტექტურისა და მშენებლობის სამსახურის უფროსმა გენადი ანანიძემ წარადგინეს.