ეროვნული დღე პედაგოგებს მუნიციპალიტეტის მერმა როლანდ ბერიძემ, აჭარის განათლების, კულტურისა და სპორტის მინისტრმა მაია ხაჯიშვილმა, საქართველოს პარლამენტის წევრმა ანზორ ბოლქვაძემ, საკრებულოს თავმჯდომარე ამირან ცინცაძემ და ქედის რესურსცენტრის უფროსმა დურმიშხან შავიშვილმა მიულოცა.

ღონისძიების ფარგლებში:

ქედის მუნიციპალიტეტის სხვადასხვა საჯარო სკოლის 40 პედაგოგი სიგელებითა და ფასიანი საჩუქრებით დაჯილდოვდნენ.

ასევე, მოსწავლე ახალგაზრდობის მასწავლებლებს გადაეცათ ფასიანი საჩუქრები.

აჭარის განათლების, კულტურისა და სპორტის სამინისტრომ ხანგრძლივი და ნაყოფიერი პედაგოგიური საქმიანობისთვის მასწავლებლები ლამარა შერვაშიძე და შოთა ანანიძე დააჯილდოვა.

აჭარის განათლების, კულტურისა და სპორტის სამინისტროს ,,ჩემი პირველი კომპიუტერი“ პროგრამის ფარგლებში, საბაზო საფეხურის წარჩინებულ 31 მოსწავლეს გადასცა კომპიუტერი.

მასწავლებლის ეროვნული დღე, ქართველი პედაგოგის, საქართველოს მეცნიერული პედაგოგიკის ფუძემდებლის, საბავშვო მწერლისა და საზოგადო მოღვაწის იაკობ გოგებაშვილის დაბადების დღეს აღინიშნა.