ქედაში, 9 აპრილის ქუჩაზე სპორტული მოედნის მოწყობის დასრულებული სამუშაოები მუნიციპალიტეტის მერმა როლანდ ბერიძემ, პირველ მოადგილესთან იმედა ვასაძესთან და ადგილობრივი თვითმმართველობის წარმომადგენლებთან ერთად დაათვალიერა.

პროექტის ფარგლებში ბეტონის ფილის, სექციური ღობის, ლითონის კონსტრუქციებისა და ხელოვნური საფარის მოწყობა განხორციელდა, ასევე, დამონტაჟდა განათების სისტემა.

მოედანი აღჭურვილია შესაბამისი ინფრასტრუქტურით და განკუთვნილია როგორც ფეხბურთისთვის, ასევე კალათბურთისთვის და ფრენბურთისთვის.

ჯანსაღი ცხოვრების ხელშეწყობის მიზნით, ამ ეტაპზე 3 სპორტული მოედნის რეკონსტრუქცია-რეაბილიტაცია მიმდინარეობს.