ქედის მუნიციპალიტეტის ა(ა)იპ სახელოვნებო სკოლასთან არსებული ფოლკლორული ანსამბლი ,,ჩანგი" ბულგარეთის რესპუბლიკაში ქალაქ ნესებრში გამართულ ფესტივალ ,,შავი ზღვის მარგალიტის" გრამპრის მფლობელია.

ფესტივალში, ხუთი ქვეყნის: საქართველოს, უკრაინის, ჩრდილოეთ მაკედონიის, ხორვატიის და სერბიის ფოლკლორული და ქორეოგრაფიული ანსამბლი ღებულობდა მონაწილეობას.

ფოლკლორული ანსამბლი ,,ჩანგი" 18 აგვისტოს ბულგარეთის რესპუბლიკაში ქალაქ ნესებრში გასტროლით აჭარის განათლების, კულტურისა და სპორტის სამინისტროს ასევე, ქედის მუნიციპალიტეტის მერიის ფინანსური მხარდაჭერით გაემგზავრა და 27 აგვისტოს დაბრუნდება.

ფოლკლორული ანსამბლი ,,ჩანგი" 24 წევრისგან შედგება. გუნდის ხელმძღვანელია ლოტბარი ნაზი სურმანიძე.