17 მაისს, ქართველი პოეტის, მწერლის, პუბლიცისტისა და საზოგადო მოღვაწის ფრიდონ ხალვაში დაბადების დღე აღინიშნება.

აღნიშნულ თარიღთან დაკავშირებით, პოეტის ხსოვნას პატივი აჭარის ავტონომიური რესპუბლიკის მთავრობის თავმჯდომარე ზურაბ პატარაძემ, ქედის მუნიციპალიტეტის მერმა მამუკა თურმანიძემ, აჭარის უმაღლესი საბჭოს თავმჯდომარე ცოტნე ანანიძესთან, საკანონმდებლო და აღმასრულებელი ხელისუფლების წარმომადგენლებთან ერთად მიაგეს.

ღონისძიებაში ასევე, მონაწილეობდნენ ადგილობრივი თვითმმართველობის წარმომადგენლები, პოეტის ოჯახის წევრები, მწერლები და საზოგადო მოღვაწეები.

ხსოვნისადმი მიძღვნილი ღონისძიება ღვთისმშობლის საკათედრო ტაძრის ეზოში, პოეტის საფლავთან გაიმართა, სადაც დამსწრეებმა პატივი მიაგეს ფრიდონ ხალვაშის ხსოვნას.

ხაზი გაუსვეს პოეტის მრავალწლიან მოღვაწეობას, ასევე მისი შემოქმედებიდან ლექსები და ნაწყვეტები წაიკითხეს.

ფრიდონ ხალვაში 30-ზე მეტი პოეტური, პროზაული კრებულის ავტორი და არაერთი ჯილდოსა თუ პრემიის მფლობელი გახლდათ.