14 ივნისს, შეზღუდული შესაძლებლობის მქონე პირთა უფლებების დაცვის საერთაშორისო დღე აღინიშნება.

ამ დღესთან დაკავშირებით, ქედის მუნიციპალიტეტში, გეგელიძეების საჯარო სკოლის მოსწავლეებისთვის ცნობიერების ამაღლების მიზნით გაიმართა ტრენინგი თემაზე „შეზღუდული შესაძლებლობის მქონე ადამიანებთან კომუნიკაცია“.

ტრენინგის მიზანი იყო ახალგაზრდებში ინკლუზიური ღირებულებების გაძლიერება, შეზღუდული შესაძლებლობის მქონე პირთა უფლებების შესახებ ცნობიერების ამაღლება და თანასწორი, ყველასთვის ხელმისაწვდომი გარემოს შექმნა. შეხვედრაზე ყურადღება გამახვილდა საზოგადოებაში არსებული ბარიერების შემცირებასა და შშმ პირთა სრულფასოვანი მონაწილეობის ხელშეწყობაზე ცხოვრების ყველა სფეროში.