ქედის მუნიციპალიტეტის მერიის ადმინისტრაციული სამსახურის გენდერული თანასწორობის ხელშეწყობის მიზნობრივი პროგრამის ფარგლებში თვითმმართველობის მოხელეებისათვის გაიმართა ვორქშოფ/სემინარი თემაზე - ,,ქალთა და მამაკაცთა თანაბარი მოანაწილეობა ადგილობრივ თვითმმართველობებში“ - რომლის მიზანია ადგილობრივ თვითმმართველობებში ქალთა მონაწილეობის გაზრდა გადაწყვეტილებების მიღების პროცესში.

თანასწორობის პრინციპები და გენდერული ნიშნით დისკრიმინაციის აკრძალვა, ასევე მსგავსი ტიპის აქტივობები ხელს შეუწყობს საჯარო მმართველობის სფეროში მეტი ქალის ჩართულობასა და მონაწილეობას.

შეხვედრის დასასრულს გაიმართა დისკუსია: ქალები ადგილობრივ თვითმმართველობებში, მათი როლი საზოგადოებრივ ცხოვრებაში, პერსპექტივები და გამოწვევები. ღონისძიებას ბათუმის შოთა რუსთაველის სახელმწიფო უნივერსიტეტის ეკონომიკის დოქტორი, გენდერის სპეციალისტი - თამილა თურმანიძე უძღვებოდა.