დღეს, ქედის მუნიციპალიტეტის საკრებულოს სხდომა გაიმართა.

სხდომას, საკრებულოს თავმჯდომარე ამირან ცინცაძე ხელმძღვანელობდა.

საკრებულომ დღეს გამართულ სხდომაზე დღის წესრიგით გათვალისწინებული 11 საკითხი განიხილა.

☑ სხდომაზე საკრებულოს წევრების მიერ დამტკიცებულ იქნა დადგენილებისა და განკარგულების პროექტები. მათ შორის, მუნიციპალიტეტის მთავარი ფინანსური დოკუმენტი და პრიორიტეტები, რომელიც ქედის მუნიციპალიტეტის საფინანსო-საბიუჯეტო სამსახურის უფროსის მოვალეობის შემსრულებელმა ეკატერინე გოგუაძემ წარადგინეს.

ბიუჯეტი ორიენტირებულია ადგილობრივ მოსახლეობაზე და მათ საჭიროებებზე. პრიორიტეტულ მიმართულებებს წარმოადგენს მუნიციპალური ინფრასტრუქტურის განვითარება, განათლება, კულტურა, ახალგაზრდობისა და სპორტის ხელშეწყობა, ჯანმრთელობის დაცვა და სოციალური უზრუნველყოფა, ასევე მუნიციპალური სერვისების გაუმჯობესება.