დაბა ქედაში, კოსტავას ქუჩაზე მდებარე სკვერს, გამგეობის ინიციატივით მალე საქართველოს დამოუკიდებლობის სახელი მიანიჭება. სკვერში ცნობილი საზოგადო მოღვაწის, პირველი აჭარელი ექიმის, რომლის ხელმოწერა 1918 წლის 26 მაისის საქართველოს დამოუკიდებლობის აქტზეა აღბეჭდილი - ყადირ შერვაშიძის ბიუსტი განთავსდება. სკვერის კეთილმოწყობითი სამუშაოები უკვე დაწყებულია. 91 463 ლარის ღირებულების პროექტს ტენდერში გამარჯვებული ფირმა ,,მშენებელი 5" ახორციელებს, რომლის ფარგლებში რესტავრაცია ჩაუტარდება სკვერში მდებარე ობელისკსა და უცნობი ჯარისკაცის საფლავს, განთავსდება დამოუკიდებლობის სტენდი, მოეწყობა ფერადი ფილებით ბილიკები, დეკორატიული სკამები და ა.შ. სამუშაოები დღეს მუნიციპალიტეტის პირველმა პირმა, გამგეობის არქიტექტურისა და სივრცითი მოწყობის სამსახურთან ერთად მოინახულა. სამუშაოები ივლისის თვეში დასრულდება. პ.ს. გთავაზობთ სულხან სალაძის უაღრესად საინტერესო სტატიას გაზეთ ბათუმელებში ,,უცნობ ყადირ შერვაშიძეზე"http://batumelebi.netgazeti.ge/weekly1/46416/#sthash.wmNUeSPS.dpbs