ამ სახელწოდების აქციას მეორე წელია რაც ქედის მუნიციპალიტეტის გამგეობა შეუერთდა. დაუნის სინდრომის საერთაშორისო დღესთან დაკავშირებით, გამგეობის განათლების, კულტურის, ტურიზმისა და ძეგლთა დაცვის განყოფილების პროგრამის ფარგლებში სხვადასხვა სახის ღონისძიებები გაიმართა. ახალგაზრდებმა მოხატეს ქუჩები, აქციას მიუძღვნეს მოლბერტებზე შესრულებული ნახატები, სახელოვნებო სკოლის საფორტეპიანო განყოფილების მოსწავლეებმა ღია ცის ქვეშ გამართეს კლასიკური მუსიკის საღამო, დაუნის სინდრომის მქონე ადამიანებს გაუგზავნეს უთბილესი მესიჯები, „უთვალავი წინდის“ აქციას კი არც ქედის მუნიციპალიტეტის გამგეობა გამოაკლდა და მასში მონაწილეობა ბავშვებთან ერთად საჯარო მოხელეებმა მიიღეს.