წუხელ ღამით, სოფელ წონიარისში ხანძრის შედეგად გოგიტიძეების 5 წევრიანი ოჯახის საცხოვრისი მთლიანად დაიწვა. ადგილზე მობილიზებული იყო სამაშველო სამსახური, თუმცა ხის კონსტრუქციის ნაგებობის გამო ხანძრის ლოკალიზება უკვე შეუძლებელი იყო. საბედნიეროდ არავინ დაშავებულა. დაზარალებული ოჯახი დღეს გამგებლის მოადგილემ მამუკა ფარტენაძემ ადგილობრივი კომისიის წევრებთან ერთად მოინახულა, კომპეტენციის ფარგლებში დახმარებას დაპირდა და ამ ეტაპზე, გამგეობის შეთავაზება - ქირით გაყვანის თაობაზე გააცნო. გოგიტიძეების ოჯახი სოციალურად დაუცველია, თავს ამჟამად მეზობლად აფარებენ. 5 წევრიანი ოჯახი მხოლოდ ტანსაცმლის ამარა დარჩა. ხვალ ქედაში გაიმართება საქველმოქმედო აქცია და შესაძლებლობის ფარგლებში, მსურველებს შეეძლებათ სურსათის პროდუქტებით, საყოფაცხოვრებო ნივთებითა თუ სამოსით დაეხმარონ ჩვენს თანამოქალაქეს. ფუთების გამგეობის ადმინისტრაციული შენობის პირველ სართულზე შეგროვდება!