ამ სახელწოდების აქცია გამართეს დღეს პატარებმა ქედაში. გაერთიანებული ერების ორგანიზაციის ინიციატივით, ყოველი წლის 2 აპრილს აუტიზმის შესახებ ცნობადობის ამაღლების მსოფლიო დღე აღინიშნება. გამგეობის განათლების, კულტურის, ტურიზმისა და ძეგლთა დაცვის განყოფილების ორგანიზებით, აქციის ფარგლებში ბავშვებმა მოხატეს ეზო, მოლბერტზე შესრულებული ნახატებითა და ფერადი ხელებით კი აუტისტ ბავშვებს სიყვარული და თანადგომა გამოუხატეს.