საქართველოს პრემიერ-მინისტრის ინიციატივას ქედის მუნიციპალიტეტი შეურთდა. ,,დედამიწის დღესთან" დაკავშირებით, დღეს მორიგი მასშტაბური დასუფთავების აქცია გაიმართა, რომელმაც 64-ვე სოფელი და დაბა მოიცვა. ასევე ოფიციალურად დასრულდა ნაგვის მართვასთან დაკავშირებული საინფორმაციო კამპანია, რომლის მიზანი ნაგვის სწორად მართვასთან დაკავშირებით მოსახლეობის ცნობიერების ამაღლება, უკანონო ნაგავსაყრელების აღმოფხვრა, დაბინძურებული კერების დასუფთავება და ბუნკერული სისტემაზე გადასვლაა. აქცია დილიდან მიმდინარეობდა და მასში ჩართულნი იყვნენ გამგებლის წარმომადგენლები, მთავარი სპეციალისტები, საბავშვო ბაღებისა და სკოლის პედაგოგები, მუნიციპალიტეტში მოქმედი ორგანიზაციები მოსახლეობასთან ერთად. ქედის გამგეობის, საკრებულოსა და 10 მუნიციპალური ორგანიზაციის მიერ ბათუმი-ახალციხის მაგისტრალი დასუფთავდა. აქციას ორგანიზებას ზედამხედველობისა და კომუნალურსერვისის სამსახურები უწევდნენ.