დღეს დილიდან, ქედის სოფლებში ნაგვის ურნების განთავსება მიმდინარეობს. ქედის კომუნალურსერვისის თანამშრომლები პირველ ეტაპზე 80 ურნას მუნიციპალიტეტის 64-ვე სოფელში განათავსებენ. მეორე ეტაპისთვის 50-მდე კონტეინერი დაემატება. აღსანიშნავია, რომ ქედა რეგიონის პირველი მუნიციპალიტეტი გახლავთ, რომლის ყველა სოფლიდან საყოფაცხოვრებო ნარჩენები გაიზიდება. ეს საკითხი ბოლო 3 წლის განმავლობაში ადგილობრივი თვითმმართველობის ძირითად პრიორიტეტს წარმოადგენდა. გამგეობა ასევე უახლოეს მომავალში გეგმავს მოსახლეობასთან ერთად დასუფთავების აქციებს და ნაგვის სწორ მართვასთან დაკავშირებულ აქტიურ კამპანიებს.