პროექტი ითვალისწინებს კულტურის ცენტრის შიდა და გარე სრულ სარემონტო-სარეაბილიტაციო სამუშაოებს. შენობა ადაფტირებული იქნება შშმ პირებისათვის.

პროექტის ფარგლებში, მოეწყობა სახანძრო უსაფრთხოების სისტემა, სუსტი დენები, ავარიული განათების სისტემა, შენობის გათბობა, გაგრილება, ვინტილაციის სისტემები. სცენა მოეწყობა თანამედროვე სტანდარტებით გახმოვანება-განათების სისტემებით, დამონტაჟდება ვიდეო-პროექტის სცენის კაზმულობა, კედლები მოპირკეთდება აკუსტიკური ფილებით, დამონტაჟდება სავარძლები. საკონცერტო დარბაზი გათვლილი იქნება 276 მაყურებელზე.

შენობა მრავალფუნქციურია, რომელშიც განთავსდება საბიბლიოთეკო განყოფილება, სახელოვნებო სკოლა და კულტურის ცენტრი.

კულტურის ცენტრის სარეაბილიტაციო სამუშაოებისთვის ბიუჯეტიდან 4 650 000 ლარია გამოყოფილი. პროექტით გათვალისწინებული სამუშაოები 2025 წელს დაიწყო და მიმდინარე წელს დასრულდება.

სამუშაოები მერთან ერთად, ადგილზე დაათვალიერა სივრცითი მოწყობის, არქიტექტურისა და მშენებლობის სამსახურის უფროსმა გენადი ანანიძემ, საკრებულოს დეპუტატმა ნაზიმ ჩხეიძემ, დაბა ქედის ადმინისტრაციული ერთეულის წარმომადგენელმა ქემალ სალაძემ და კულტურის ცენტრის ხელმძღვანელმა ჯამბულ სურმანიძემ.